PULAAR ARAB

وفي صحيح البخاري عن أبي موسى الأشعري عن النبي صلى الله عليه وسلم قال: "مثل الذي يذكر ربه والذي لا يذكر ربه مثل الحي والميت" Arii e sahiihul bokariy ga Abii Muusaa ga Annabi o (SAW) wi'i: «Yeru oon mbo ina jaŋtoo joomum e oon mbo jaŋtotaako joomum; ɓe mbaydi kono guurɗo e maayɗo ni» Ɗum firti ko neɗɗo ciftoroowo joom mum oon ɓernde mum ina wuuri, nde won noo ɓerɗe nguurdata ko jaŋtaade Allaahu joomiraaɗo o, hoto neɗɗo welsino jaŋtaaɗo joom mum.  Neɗɗo mo jaŋtotaako joom mum; ko maayɗo mo ubbaaka sabu neɗɗo ko ɓernde; so ɓernde ñawii noɗɗo ñawat, so ɓernde maayii neɗɗo maayii.  A jaaraama e dewindagol #pulaar#arab

Habraama ga Abuu umaama yo [WAWM], o wiy: Nelaaɗo Alla [SAW] wiy:  Malaykaaji ina njooɗoo ñalawma aljumaa e damuɗe jumaaje, ina njogii ɗereeji, eɓe mbinnda yimɓe ɓee, haa imaam yalata, so o yaltii ɓe cowa ɗereeji ɗi.(Ahmad habri yeewtere nde) Arii e riwaaya goɗɗo biyoowo: Malaykaaji ɗii njooɗotoo ko e damuɗe jumaji ɗii; aɓe mbinnda gadiiɗo arde, ɗimmiijo e tataɓiijo haa imaam yalta, ɓe cowa kaaytaaji maɓɓe. Ɗum firti ko yahde jumaa law gula imaan araani,  ɓuri ɗaccude haa imaam ara. 

 Yo en njuul mo wuuri